რეისები

ძვირფასო მომხმარებლებო, გაცნობოთ რომ საფოსტო გზავნილების შემოტანის პროცედურებთან დაკავშირებით საბაჟოზე იგეგმება ცვლილებები, გთხოვთ ყურადღებით გაეცნოთ და აუცილებლად გაითვალისწინოთ შემდეგი ინფორმაცია:

1. თქვენს მიერ გამოწერილი ამანათის დეკლარირება გახდება სავალდებულო და დღეს მოქმედი პროცედურებიდან განსხვავებით იურიდიული ძალის მქნონე!

2. ის ამანათი რომელიც მომხმარებელს არ ექნება დადეკლარირებული (ამანათის ინვოისის მიხედვით) საქართველოში ჩამოსვლამდე, გაჩერდება საბაჟოზე და მოგეცემათ გარკვეული დრო ამანათის ინვოისის წარსადგენად.

3. თუ ამ დროის განმავლობაში არ წარმოადგენთ ინვოისს, ამანათის ფასის განსაზღვრა მოხდება ექსპერტიზის საშუალებით. ექსპერტიზა იქნება ფასიანი, რომლის ღირებულების დაფარვაც დაეკისრება ამანათის მიმღებს.

4. იმ შემთხვევაში, თუ მომხმარებელი დეკლარირების დროს შეგნებებულად შეამცირებს ამანათის ღირებულებას (განბაჟების თავიდან ასაცილებლად), მოხდება მომხმარებლის დაჯარიმება.

5. საბაჟოს ექნება უფლება მომხმარებლის მიერ მითითებული ფასის გადამოწმების მიზნით გააჩეროს ნებისმიერი ამანათი და მომხმარებლისგან მოითხოვოს ამანათის ინვოისი.  

 ზემოაღნიშნულიდან გამომდინარე, ნებისმიერი სახის გაუგებრობის და უსიამოვნების თავიდან აცილების მიზნით გთხოვთ აუცილებლად გაითვალისწინოთ ჩვენი რეკომენდაცია:

ა) აუცილებლად დაადეკლარირეთ ამანათი საქართველოში ჩამოსვლამდე 2 დღით ადრე, (ამანათების მონაცემების საბაჟოზე წარდგენამდე).

ბ) თუ ამანათი ექვემდებარება განბაჟბას (300 ლარი და მეტი) ამანათის დეკლარირების დროს არ ჩაწეროთ ნაკლები თანხა!

გ) თუ არ ხართ დარწმუნებული, რომ ამანათი არის 300 ლარამდე ღირებულების არ დაადეკლარიროთ ამანათი. ასეთი ამანათების ღირებულება მიუთითეთ საქართველოში ჩამოსვლის შემდეგ, როდესაც დააზუსტებთ ამანათში არსებულ ნივთებს.

გთხოვთ გაითვალისწინოთ, რომ აღნიშნული ცვლილებები ძალაში შევა რამოდენიმე კვირაში.

პატივისცემით

getit.ge -ს ადმინისტრაცია